شاب يحكي معاناته .. بعد ماوصل خواته !!
من قريب رحت اجيب الأهل من زواج احد الأقارب
انا : اركبوا السياره وكل وحده تنتبه لا تصك الباب على فستانها وعبايتها
وبمجرد ما انقفل باب السياره .. بدأ تحليل الإستديو
اسمعوا ما قاله وما يقوله النساء بعد كل زواج ..
الأولى : ايش فيك تأخرتي؟
الثانيه : ساعه قاعده ادور على عباتي .. انتي ما شفتي الحريم
يتضاربون عند كاونتر العبايات ؟؟ العبايات تلخبطت .
الثالثه : يا ليتنا ما رحنا زواجهم .
انا : ليش؟
الثالثه : زحمه وبزرااان اعوذ بالله قطعوا الورد .. ويتضاربون بقشر البرتقال ويلعبون
بالمويه !!
الأولى : ما شفتي الصبابة ذيك اللي كبت القهوه على الحرمه النايمه؟
الثالثه : لا والله ما شفتها .. انا ما شفت ولا شي في الزواج .. طول الوقت قاعده ادور على جزمة بنتي مها . العجيب توهن ينتقدن الأطفال بالزواجات !!
الثانيه : ايش رايكم في الفستان اللي لابسته خلود؟
الأولى : مو حلو .. محنقط عليها والسحاب باين , كنها سمنانه !!
الأولى: انا عجبني مكياج أمل .. تقول انها موصية زوجة عمها مشاعل تجيبه
من باريس .
الثالثه : من باريس هههههههههههههه .. تضحك عليك ياهبلا .. تلقينه من
محلات ابو عشره ويخب.
وقــــــــــفه
الغريب انهم واثناء حديثهم في السياره يقولون لبعض .. خلاص يا بنات بس ,, ترى ما يجوز نتكلم على الناس !!
تكــــــــــــــــــــــــمله
الثانيه : صح والله كلامك يا اختي 000ما يجوزنتكلم عليهم 00 بس
شفتي الحرمه اللي كانت واقفة جنبي على البوفيه وتقطع لي لحم؟
الأولى : ايوه شفتها هههههههههه متوصيه فيك شكلها بتخطبك
لولدها.
الثانيه : وجع في شكلها هي وولدها .. من أولها قاعده تقطع لي من اللحم
الكبار اللي ما ينوكل وهي طايحه في الزين !!
العشــاء
انا : ايش رايكم في العشاء ؟؟
الثالثه : دسم وكله شحم .
الأولى : بارد وماصخ .
الثانيه :مافيه ركن للدايت !!!
وفيه حريم ما تعشوا .. قاعدين على الكراسي اللي في الكوشه .. شايفين انفسهم .
الثالثه : مـالت بس , مدري علي ايش !!
الأولى : حتى ام العروسه ما تعشت مسكينه .. طول الوقت
قاعده تبكي .
الثالثه : ههههههههههههه تبكي من الفرحه يافالحة .. ما شفتي
جيبها منتفخ من الفلوس !!
بس 00خلاص 00ما يجوز 00
صح والله 000ما يجوز 000بس شفتي 000وشفتي 00وشفتي
واخيرا وصلنا المنزل
أنا : شوفوا لي كرتون باندول اكسترا
ملحوظة مهمة:
بعد قراءة هذا الموضوع .. ينصح بدعاء كفارة المجلس .
.. رضا الناس غاية لا تدرك ..
موضوع: سوالف حريم توهن جايت من العرس 
الثلاثاء أبريل 27, 2010 1:47 pm
