ياهيه ياللي في فراقـي تهاونـت وشلون قلبك طاوعك في فراقـي
وانا الذي من شانك اوفيت ماخنت والصدق مدري ويش انا فيك لاقي
تبى الصراحه في عذابي تفننـت ياليت تدري ويش كثر اشتياقـي
ماصنت حبي مير انا يالغلا صنت حبك وخليتك عن النـاس راقـي
اذكر تقول سعود فالحب انا وانت واليوم كنك غيري انسـان لاقـي
بيت الشعر يشكي وانا يالغلا شنت يقـول وينـه راح ذاك التلاقـي
بالله هاذا حـب والا كـذا البنـت تضحك وتتسلى بمـا لا يطاقـي
اربع سنين اغليك واليوم لا هنت تقول ابرحـل اه ياكسـر ساقـي
واقول انا من بعد ماشفتك اعلنت حبك وحبك داخـل القلـب باقـي
وافي معك فالحـب والله ماخنـت ياليت تعرف ويش كثر اشتياقـي
لكن ياللي فـي فراقـي تهاونـت في ذمتي منتـه بمثلـي بلاقـي
موضوع: ياهيه للشاعر سعود العتيبي 
الأحد مايو 02, 2010 11:54 am