مزنة الصيف

السلام عليكم ورحمة الله وبركاته

مزنة الصيف

سبحان من صور حبيبي على الكيف
اختار له صوره تليق بمقامه
صحيح لن قالوا عديم التواصيف
في مشيته في ضحكته في كلامه
اليا هرج لك ماتمل السواليف
وليا ابتسم يازين ها الإبتسامة
تغنيك عن لندن وباريس وجنيف
وتغني عن البحرين واهل المنامه
وباقي وصوف حبيبي بالنفانيف
لن جاك كاشخ بالذهب واللثامه
ثوبه على جسمه مقيف على الكيف
وطلعة نهوده مثل بيض الحمامه
وخده كما البراق في مزنة الصيف
مثل القمر في الليل يجلي الظلامه
وسمر الجدايل فوق متنه ملافيف
لو فلها خلي تعدت حزامه
ورموش خلي ضافيات ومصافيف
من شاف عينه مارجع بالسلامه
ياناس احبه لو لحقني تكاليف
ومن حب خله ماتجيه الملامه
حتى لو اصرف له جميع المصاريف
كله على شانه ولاجل احترامه
وياربنا تجمع قلوب المواليف
والكل منهم يهتني في منامه