قطعة الليل

السلام عليكم ورحمة الله وبركاته

تواصل






الضيقة أبطت والمراكب محاميل
بظروف دنيا , طايشة مستلجة
اظروف دنيا لاسقا دارها السيل
لعل تشويها سمومن بعجة
دايم وهي يمي تنازا دحاميل
والفكر منها صاربه نوع سجة
جت مدلهمه كنها قطعة الليل
وصيد الخلا قدامها جت تهجة
تفوت في عشر الدقايق مية ميل
تقول صاروخ(ن) علينا موجة
واليا اقبلت قامت تغني مواويل
بعفوية(ن) فيها لعانة ورجه
ولَيت ياحظ(ن) قليل المحاصيل
حظ(ن) بلا مفعول ماغير دجه
حظ(ن) يغلبنة حظوظ المهابيل
ازريت لالقالي على الحظ حجه
الله يعوض في الليال المقابيل
من سائلك ياوال الأقدار نجة